2 de marzo de 2024

Gañadores do reto fotográfico corazóns

 Con motivo de San Valentín, o instagram da nosa biblioteca propoñeu un reto fotográfico de corazóns. Podedes ver tódolos participantes no perfil @bibliocruceiro 



Parabéns aos gañadores!



27 de febreiro de 2024

Actividades realizadas recentemente: Día da paz e da non violencia, Entroido 2024 e San Valentín

Nas derradeiras semanas levamos a cabo moitas actividades interesantes:

A primeira foi a conmemoración do Día da paz e da non violencia coa creación dunha receita viaxeira da paz. Cada curso foi creando paso a paso os ingredientes necesarios que remataron plasmados nun libro e gravados polos alumnos de cada clase:



O propio día 30 de Xaneiro, baixamos á sala de usos múltiples, onde bailamos a canción "Los niños queremos la paz", coreografiada pola profe de música, Merce. Tamén se proxectou o vídeo da receta viaxeira da paz e un vídeo elaborado polos alumnos de 6º xunto coa profe Merce con dita canción de fondo.

Entroido 2024

Este ano, tras seguir as ordes de Mecatuxa durante a semana, chegou o venres de Entroido: por mor do tempo tivemos que cancelar o noso desfile e facer un cambio de plans: A pancarta feita polos alumnos de 6º en Arts coa teacher Noelia, non saíu á rúa encabezando o desfile, máis acompañounos coma fondo de decorado do noso escenario na sala de usos múltiples, onde levamos a cabo o festival cos nosos disfraces e cun público moi especial: as familias do alumnado.



Despois de que cada curso bailara unha canción preparada cos mestres e especialistas, e trala colaboración de varios pais e nais da ANPA que tamén se animaron a bailar, comezamos as merendas: 
As familias colaboraron traendo postres típicos de Entroido coma chulas, filloas e orellas, que degustamos por clases. Delicioso!


Por último, en San Valentín organizouse un reto fotográfico de corazóns no instagram da biblioteca, podedeves ver as fotos das receitas dos participantes e os gañadores pinchando na seguinte foto:


Así mesmo, houbo un buzón onde os adultos e os alumnos participaron nun concurso chamado: Receitas para namorar. Próximamente serán entregados os premios e os gañadores, así que seguide atentos a blog e ao instagram do cole.

Moitas grazas ás familias por toda participación e colaboración nestas datas tan sinaladas, Masterchef Cruceiro está a ser un éxito!









13 de xaneiro de 2024

Feliz 2024

Aquí estamos de volta, comezando un novo ano con moitas ganas de seguir traballando no noso proxecto Masterchef Cruceiro.  Despedimos o 2023 resolvendo o reto fotográfico de comida divertida proposto polo instagram da biblioteca, onde María de 6ºA resultou gañadora:


Moitas grazas ás familias participantes. Podedes ver todos os platos propostos no instagram da biblio, @bibliocruceiro, onde tamén podedes estar ao tanto das últimas actividades e novidades.

Próximamente voltaremos con novas actividades deliciosas... estade ben atentos!


14 de decembro de 2023

Un Nadal exquisito

 Estes días estamos decorando os corredores coa colaboración das familias: este curso, os adornos están relacionados co noso proxecto Masterchef Cruceiro. Así mesmo, estamos preparando unhas invitacións de Nadal moi especiais co noso photocall festivo, estade atentos porque próximamente estarán nas vosas mans!