Radio Cruceiro

  Radio Cruceiro xa está nas ondas!

Se queredes escoitar os nosos programas de radio ou podcast, aquí tendes un vídeo explicativo de como acceder:

E de postre...

... marchando un festival de fin de curso e unhas graduacións!!!

 O curso rematou, e con el o noso proxecto Masterchef Cruceiro. Moitas grazas a todas as familias que nos acompañaron no festival e nas graduacións de 5 anos de Educación Infantil e de 6º de Primaria. Aquí pecha a nosa cociña, non sen antes comunicarvos que estamos cociñando no noso blog CRUCEIRO LARPEIRO todas as receitas que fixemos durante o curso na radio, en vídeo, en papel... botádelle unha ollada, estes días iranse sumando novas entradas para chupar os dedos:

BLOG CRUCEIRO LARPEIRO

Sen máis delicias que compartir, despedímonos ata o curso que vén. Pasade un verán moi doce!!

PRODUTO FINAL PDI: MASTERCHEF CRUCEIRO

 Chegou o momento: remata o curso e con el, gardamos os nosos mandís e os gorros de cociñeiros. Moito investigamos, cociñamos e degustamos! Aquí quedan unhas culleradas de todo o que fixemos:

VOLUNTARIADO DE BIBLIOTECA

A falta dun pouquiño para rematar este curso académico, podemos dicir que, un ano máis, a labor do voluntariado de biblioteca foi imprescindible para o bo funcionamento da mesma, e moi gratificante para o alumnado. A participación neste voluntariado é alta, ano tras ano, polo que só nos queda felicitar a labor feita e animar a que continúen con este traballo no vindeiro curso. 

Noraboa!